Theater

D’Sophie Kettenmeyer ass Wittfra. Well si hire „Gérard“ net méi huet, fält hir de Plaffong op de Kapp. Hiren eenzegen Auswee ass, hiert Meedchen an seng Famill ze besichen oder mat hirer Strenz op de Kierfecht ze goen. Do lauert si deene frësch gebakene Wittmänner op. Dat Ganzt allerdéngs zum gréisste Bedaueren vun hirer Duechter Marie an hirer Schnauer Yvette.

Fir d’Mamm ze bremsen, hoffen d’Yvette an d‘ Marie op den Noper Batty Schmitt. Leider stëmmt do d’Chimie nach net sou richteg, well hien virun allem mat sengem Hobby nervt.

De Mario, hiren Enkel, hëllt sech senger Boma un an bréngt hir bäi, wéi een am Internet no Männer sicht. Dat bréngt d’Sophie sou richteg an Schwong. Si huet dann och sougenannten Dates.

An dréit natierlech ze enger gewëssener Onzefriddenheet beim Mario senger Sandkëschtefrëndin Laura aus dem Nopeschhaus bäi, well de Mario him seng Zouneigung net richteg enregistréiert.

D’Laura schëtt der Boma Kettenmeyer hirt Häerz aus. D’Boma wëll hëllefen an schmied duerfir ee Plang. Wéi sech awer d‘Rendez-vous‘en, vun där op neie Weeër wandelnder Mamm heefen, eskaléiert d’Situatioun.

An dass d‘ Marie an d’Yvette eng Plaz fir d‘Mamm an engem CIPA-Foyer sichen, bréngt d‘Faass zum iwwerlafen.